Шар шувуу

Доктор Б. Болдсайхан

2011-11-18T17:53:00.001+09:00

Үзэх дуртай нэвтрүүлгүүдийн маань нэг De Facto. Энэ нэвтрүүлэгт орж буй хүмүүс бүгд өөрийн ажилд дуртай, ажлынхаа талаар сайн мэддэг, туршлагатай хүмүүс байдаг. Амжилттай явж байгаа хүмүүсийн яриаг сонсоход илүүдэх юу байхав ээ дээ.

MCS групп Ж. Оджаргал

2011-11-18T17:13:00.000+09:00

Миний бодлоор MCS групп бол Монголд байгаа эрүүл үйл ажиллагаа явуулж буй группуудын нэг гэж боддог. Ирээдүйдээ ч гэсэн MCS Property-д ажиллах сонирхолтой байсан маань улам бэхжиж байх шиг байна. Үзэхэд илүүдэхгүй нэвтрүүлэг байлаа.

Liked!!

2011-11-17T16:46:00.006+09:00

Шинэ санаа

2011-11-17T14:27:00.004+09:00

Дараа жилийн 3-н сард төгслөө. Амьдралын нэг алхам ахиж, дээд боловсролтой болно гэсэн үг. Шинэ ажлын талбарт гарч шижигнэсэн залуучуудтай хүчээ үзэж, нийгэмд хувь нэмэр оруулагч нэгэн болох нь...Гэхдээ өнөөдөр өөрийнхөө ирээдүйн талаар юм бичих гэсэнгүй ээ. Ирээдүйгээ тэртээ тэргүй сайхнаар төсөөлөөд бодоод л байна. Одоо надад хэрэгтэй байгаа зүйл гэвэл ШИНЭ САНАА. Өөрөөр хэлбэл нэг тийм санаа, борлогдохоор.. :р

IQ Test

2010-03-19T19:03:00.001+09:00

Free-IQTest.net - IQ Test

Canadian Christmas

2008-12-16T01:40:00.006+09:00

Удахгүй шинэ жил болох гээд л хүн болгоны сэтгэл хөдөлж байгаа нь мэдээжийн хэрэг байх. Миний хувьд ч гэсэн энэ баяр хамгийн гоё баяруудын маань нэг. Харин энэ жил гэрээсээ хол анх удаа тэмдэглэх гэж байна. Гэхдээ ганцаараа биш олон нийттэйгээ сайхан хөгжилдөж өнгөрөөнө.

Хамгийн эхний оролцсон Party маань Канадууд болон Япончуудтай тэмдэглэсэн нь байлаа. Огт хамааралгүй, өмнө нь хэзээ ч харж байгаагүй хүмүүстэй найзаараа дамжуулж танилцаж авав. Дашрамд нь найз маань байхгүй байсан бол би ийм хүмүүстэй танилцахгүй байсан гэдгийг хэлье. Тэгээд Christmas-ийг Канад маягаар мэдэрлээ гэж..

Бүгд ширээ тойрон сууж, пизза, салад гэх мэт хөнгөн зууш идэнгээ халуун яриа өрнүүлж бие биенийгээ улам сайн мэдэж авахыг хичээж байх зуур ар араасаа амттай хоолнууд ирж, гэдсээ дүүртэл идэж авсан. Муу хүн идэснээ ярина гэгч л болчихлоо. Гол нь хамгийн сонирхолтой санагдсан зүйл нь бэлэг солилцох хэсэг байв. Party-д ирэхдээ бүгд жижиг жижиг бэлдэж ирээд, хураалгаад хоолоо хүлээж суух завсраа солилцдог юм байналэ. Эхлээд бүгд сугалаа сугалаж, бэлэг сонгох дарааллаа тогтооно. Тэгээд л эхнээсээ авахуулаад бэлгээ сонгоод урдаа тавинада. Гэхдээ сонгосон бэлэг чинь ингээд л энэ чинийх болж байнаа гэсэн үг биш. Дараагийн хүн хэрвээ чиний сонгосон бэлгийг авахыг хүсвэл шууд авч болно, өгөхгүй гэж тэмцээд ч хэрэг байхгүй. Тэгэхээр бэлгээ алдсан хүн яах уу, ахиж өөр бэлэг сонгоно. Гэхдээ алдсан бэлгээ алдсаныхаа дараахан нь буцааж авч болохгүй, харин дараагийн ээлжинд бол болно. Ингэж холион бантан болж, бэлгээ сонгож дуусдаг юм билээ. Нэг ёсны хөгжилтэй маяагаар өнгөрөөж байгаа хэрэг байх.

Гэхдээ өөр талаас нь бодоод үзвэл, хүн өөрийн хүссэн зүйлээ гартаа оруулж авахын тулд түүнийхээ төлөө тэмцэх эрхтэй гэдгийг илэрхийлээд ч байгаа юм шиг санагдсан шүү. Чөлөөт өрсөлдөөнт зах зээл гэдэг шиг..хэн овсгоотой хөдөлнө тэр хожно гэж..

Мөн бэлгээс гадна бүгдээрээ хамтдаа дуу дуулсан. "Silent Night", "Rudolf, the red-nosed reindeer", "White Christmas" дуунууд дуулав. Шинэ жилийн уур амьсгал ороогүй байсан надад уур амьсгалыг мэдрүүлж чадсаан. За ингээд миний эхний шинэ жилийн Party үнэхээр гоё болж өнгөрсөн болноо. Аан, нээрээ болсон газар маань манай хотоос өөр газар болсон болохоор галт тэргэнд суугаад л хүйтэн өдрийн жаврыг үл анзааран явсан болой.

Тавтай морил !!

2008-10-09T14:22:00.010+09:00

　Өнөөдөр 2008 оны 10 сарын 09 өдөр. 12 цаг гэхэд хичээл тараад, гэртээ эрт ирлээ. Онц хийх зүйл олдохгүй болохоор нь хүмүүсийн блогоор зочилж, элдэв юм уншиж сууж байгаад би ер нь яагаад өөрийн гэсэн блогтой болж болохгүй гэж бодоод хэдхэн хормын дотор шинэхэн нэгийг үүсгэчихэв. Дөнгөж эхлэл гэхэд ер нь "дажгүй" шүү. Ганц хүндрэлтэй зүйл гэвэл ком-ийн маань гарт монгол үсэг байхгүй байгаа нь..Үсгээ хайсаар байтал бичих гэсэн зүйлээ мартчих гээд л.. Гэхдээ нэг талаар ашигтай. Монголоороо дээшээ харж байгаад ч бичиж сурах боломж байна.

За тэгээд одоохондоо юу бичихээ сайн мэдэхгүй байгаа ч өөрийн шинээр мэдэж авсан зүйлс болоод хүнд хэрэг болчихуйц зүйлс бичихийг, бас өөрийнхөө үзэл бодлоо чөлөөтэй илэрхийлэхийг юунаас ч илүү хүсэж байнаа. Ингээд ойрын үед их сонсож байгаа дуугаа блогдоо анхлан тавья!!